Vigogo wamiminika kurejesha fomu

 IKIWA leo ndiyo siku ya mwisho kwa viongozi wa umma, kuwasilisha fomu za kuonyesha rasilimali mbalimbali walizonazo katika Ofi si za Sekretarieti ya Maadili ya Viongozi wa Umma, viongozi mbalimbali wakiwemo mawaziri, wabunge na wakuu wa wilaya ‘wamemiminika’ katika Ofi si za Sekretarieti hiyo Jijini Dar es Salaam kuwasilisha fomu hizo.
Miongoni mwa viongozi waliofika na kuwasilisha fomu zao ni Waziri wa Habari, Sanaa, Utamaduni na Michezo, Dk Harrison Mwakyembe; Mbunge wa Kigoma Kaskazini, Zitto Kabwe; Mbunge wa Kibamba, John Mnyika na Mbunge wa Ubungo, Saed Kubenea.
Wengine ni pamoja na Mkuu wa Wilaya ya Ilala, Sophia Mjema; Mkuu wa Wilaya ya Kinondoni, Ally Hapi na Mbunge wa Morogoro Kusini, Prosper Mbena. Akizungumza na waandishi wa habari, Kamishna wa Maadili, Sekretarieti ya Maadili ya Viongozi wa Umma, Jaji mstaafu Harold Nsekela alisema kumekuwepo na mwitikio mkubwa wa viongozi mbalimbali wanaofika katika ofisi hizo katika kanda zote na kuwasilisha fomu zao.
Alisema hatua hiyo imetokana na muda uliowekwa kufikia mwisho leo, hatua aliyosema kuwa kwa kiasi fulani ndiyo imesababisha kuwepo mwitikio huo mkubwa, tofauti na siku za nyuma.
“Viongozi wengi wamewasilisha fomu zao kupitia wawakilishi wao waliowatuma, kiutaratibu siyo vibaya ila wakati mwingine kunaweza kukajitokeza tatizo lolote ndani ya fomu ikizingatiwa kuwa ndani yake ina kiapo cha mhusika wa fomu,” alisema Jaji Nsekela.
Aidha alisema kutokana na mwitikio huo mkubwa, ofisi yake imeamua kufanya kazi hadi jioni siku ya jana ambayo ni nusu siku, kwa lengo la kutoa muda wa kutosha kwa viongozi mbalimbali kwenda kuwasilisha fomu zao kabla ya kufikia tamati yake hii leo.
Alisema ukiacha baadhi ya viongozi wa umma waliowasilisha fomu zao katika Jiji la Dar es Salaam, pia kupitia ofisi zake katika Kanda saba zilizopo mikoa ya Arusha, Mbeya, Tabora, Mtwara, Mwanza, Kibaha- Pwani na Dodoma, pia zimeweza kupokea fomu kutoka kwa viongozi mbalimbali hususani jana kwa ajili ya kukimbizana na muda uliobakia.
Rais John Magufuli juzi aliwasilisha fomu yake na kumwagiza Mwenyekiti wa Sekretarieti hiyo ya maadili, kusimamia muda mwisho uliowekwa na ofisi yake huku akiwaonya viongozi watakaokwepa kuwasilisha fomu hizo.
“Mheshimiwa Jaji Nsekela ikifika tarehe 31 Desemba ambayo ni siku ya mwisho kwa mujibu wa sheria, weka mstari na usipokee fomu nyingine, halafu tuone sharia itafanyaje,” alisema Rais Magufuli akimwagiza Jaji Nsekela.
Kwa upande wake, Jaji Nsekela alisema, “Viongozi hawaombwi kujaza fomu hizi, kuna baadhi wanadhani labda kutuletea hilo tamko ni fadhila, hapana, sharia ya nchi inahitaji hivyo na kuna sababu zake za msingi.”
Wakati huo huo, Waziri Mkuu Kassim Majaliwa amesema amekwishawasilisha tamko la viongozi wa umma kuhusu rasilmali na madeni kwenye Sekretarieti ya Maadili ya Viongozi wa Umma tangu juzi (Alhamisi Desemba 28, 2017).
Akizungumza na waandishi wa habari kijijini kwake Namahema ‘A’ wilayani Ruangwa mkoani Lindi jana jioni, Waziri Mkuu alisema fomu hizo zilipokelewa juzi na amekwishapatiwa barua ya kupokea tamko hilo.

Comments

Post a Comment

Popular posts from this blog

Nyota ya Simon Msuva yazidi kungáa katika klabu yake ya Difaa El Jadid

Mshambuliaji wa timu ya taifa ya Tanzania Taifa Stars anayecheza soka ya kulipwa katika klabu ya Difaa El Jadid ya Morocco Simon Msuva anazidi kubeba vichwa vya habari kutokana na kasi na mchango wake anaozidi kuutoa katika klabu yake ya Difaa El Jadid. Simon Msuva kwa mara ya pili anafanikiwa kuifungia timu yake goli muhimu katika mchezo wa Ligi Kuu Morocco, Msuva jana ameipatia ushindi wa goli 1-0 timu yake ya Difaa El Jadid dakika ya 52 dhidi ya Hassania Agadir. Kufunga kwa goli hilo kunamfanya Simon Msuva kusogea katika msimamo wa ufungaji bora kwani goli dhidi ya Agadir limemfanya kutimiza jumla ya magoli 5 na mtu anayeongoza ana magoli saba lakini huu ni mchezo wa pili kwa Msuva kufunga mfululizo
Read more

MFANYAKAZI WA PPF AKAMATWA AKISAFIRISHA MIRUNGI

Image
  Polisi mkoani Kilimanjaro inamshikilia mfanyakazi wa Mfuko wa Hifadhi ya Jamii (PPF) kwa tuhuma za kusafirisha dawa za kulevya. Kamanda wa Polisi Mkoa wa Kilimanjaro, Hamis Issah alimtaja mtuhumiwa huyo kuwa ni Anitha Oswald (32). “Askari wakiwa doria walimkamata Anitha Oswald, ambaye ni mkazi wa Karanga, Manispaa ya Moshi, akiwa anasafirisha dawa za kulevya aina ya mirungi kilo 216 na gramu 370 kwa kutumia gari lake analomiliki aina ya Toyota Sienta rangi ya silva,” alisema kamanda Issah. Kamanda Issah alisema mtuhumiwa huyo alikamatwa eneo la Majengo kwa Mtei Desemba 19 akitokea Njia Panda ya Himo kuchukua mzigo huo. “Jeshi la polisi mkoani hapa liko makini, operesheni inaendelea na hatutamvumilia mtu yeyote ambaye atabainika kujihusisha na biashara hii”, alisema. Kamanda huyo alisema polisi wanaendelea kumtafuta dereva wa gari hilo ambaye alikimbia baada ya kulitelekeza lilipogonga mti wakati akiwakimbia askari.
Read more

SAKATA LA AIRTEL LAZIDI KUKOLEA....TEWUTA NAO WAIBUKA

Image
Chama cha Wafanyakazi wa Sekta ya Huduma za Mtandao wa Mawasiliano Tanzania (Tewuta) kimepongeza hatua ya Rais John Magufuli kumtaka Waziri wa Fedha kuanza uchunguzi kubaini ukweli kuhusu ubinafsishwaji wa Kampuni ya Simu Tanzania (TTCL). Katibu Mkuu wa Tewuta, Junus Ndaro amesema chama hicho kinatambua fika kuwepo mchezo mchafu uliosababishwa na Watanzania wachache wenye uchu wa fedha wakisaidiana na wawekezaji kupora rasilimali hiyo ya Taifa. Ndaro amesema leo Alhamisi Desemba 28,2017 kuwa, kwa muda mrefu chama hicho kimekuwa kikitoa malalamiko kuhusu ufisadi huo serikalini lakini hakikusikilizwa.   “Tunampongeza Rais Magufuli kwa kuthubutu kutamka pasipo shaka kuwa taarifa alizonazo zinaonyesha kampuni ya Airtel ni mali ya TTCL, jambo hili tulilipigia kelele kwa muda mrefu,” amesema. Ndaro amesema mara zote hawakusita kutamka kuwa Celtel ambayo sasa ni Airtel ni mali ya TTCL iliyoporwa pasipo kulipwa chochote. “Wafanyakazi tunatambua ku...
Read more