Sadifa wa UVCCM nje kwa dhamana

Image result for mahakama
MAHAKAMA ya Hakimu Mkazi mkoa wa Dodoma jana ilimwachia kwa dhamana aliyekuwa Mwenyekiti wa Umoja wa Vijana wa Chama cha Mapinduzi Taifa (UVCCM), Sadifa Juma Hamis (35) anayekabiliwa na tuhuma za rushwa.
Sadifa alifikishwa mahakamani kwa mara ya kwanza Desemba 11, mwaka huu na kukataliwa dhamana baada ya upande wa mashtaka kudai akiwa nje kwa dhamana ataingilia uchaguzi wa UVCCM taifa uliokuwa ukiendelea wakati huo na kuingilia uchunguzi uliokuwa ukifanywa na Taasisi ya Kuzuia na Kupambana na Rushwa (Takukuru).
Akisoma shauri hilo jana la uamuzi mdogo kuhusu dhamana, Hakimu Mfawidhi wa Mahakama ya Hakimu Mkazi Mkoa wa Dodoma, Emmanuel Fovo alisema vigezo ambavyo vilitolewa na wakili wa serikali havihusiani kwa namna yoyote kuvuruga uchunguzi na kuingilia upelelezi kama ambavyo walidai upande wa mashtaka.
Alisema mshitakiwa anaruhusiwa kudhaminiwa kwani ni haki Kikatiba kutokana na kifungu namba 15 ya Katiba ya Jamhuri ya Muungano wa Tanzania. Hakimu Fovo alisema mazingira ya kesi hiyo na vigezo vilivyotolewa na wakili wa serikali ni tofauti kabisa hivyo haoni sababu ya kumnyima dhamana mshtakiwa.
Alidai kuwa Kifungu cha 15 (i) (b) walichokitumia mawakili wa serikali kwa kuzuia dhamana kwa mtuhumiwa hakimzuwii mtu yeyote kupewa dhamana hivyo sababu za upande wa Jamhuri hazikuwa na mashiko.
Mshtakiwa aliachiliwa huru baada ya masharti ya dhamana aliyopewa ambapo alitakiwa kuwa na wadhamini wawili ambao watasaini fungu la dhamana la Sh milioni moja kila moja. Mshtakiwa alitimiza masharti hayo ya dhamana na kuachiwa huru hadi Januari 18, mwakani kesi yake itakapotajwa tena.
Mshtakiwa huyo ambaye pia ni Mbunge wa Jimbo la Donge Zanzibar alifikishwa mahakamani Desemba 11, mwaka huu akikabiliwa na mashtaka ya rushwa. Awali, ilidaiwa na Wakili wa Serikali kutoka Takukuru, Biswaro Biswaro kuwa katika kesi hiyo ya jinai namba 232 ya mwaka 2017, mshitakiwa alitenda kosa hilo Desemba 9, mwaka huu akiwa nyumbani kwake maeneo ya Kata ya Mnadani Manispaa ya Dodoma.
Alisema katika kosa la kwanza Sadifa anadaiwa kuwa akiwa nyumbani kwake alitoa rushwa ya vinywaji kwa wajumbe ili wamchague mgombea wa nafasi ya Makamu mwenyekiti wa UVCCM, Rashid Mohamed Rashid.
Biswaro alisema kosa la pili analokabiliwa nalo Sadifa ni kutoa ahadi ya kuwalipia gharama za usafiri wajumbe hao kutoka Dodoma– Kagera kama zawadi kwao baada ya kumpigia kura mgombea huyo.
Wakili huyo aliwataja wajumbe hao kuwa ni Kadogo Shabani, Abdallah Hamimu, Octavian Andrea, Didas Zimbihile, Tasinta Nyamwiza, John Lufunga, Mtwawafu Kantangayo, Haleluya Ivody, Deocres Kagunila, Emmanuel Shitobelo, Happiness Rynyogote, Adolf Andrew, Adinani Musheruzi, Editha Domisian na Hashim Abdallah.
Biswaro alisema mshtakiwa huyo alitenda makosa hayo kinyume na Sheria ya Kuzuia na Kupambana na Rushwa namba 11 ya mwaka 2007 kifungu cha 15(1) (b) na (2).

Comments

Post a Comment

Popular posts from this blog

Nyota ya Simon Msuva yazidi kungáa katika klabu yake ya Difaa El Jadid

Mshambuliaji wa timu ya taifa ya Tanzania Taifa Stars anayecheza soka ya kulipwa katika klabu ya Difaa El Jadid ya Morocco Simon Msuva anazidi kubeba vichwa vya habari kutokana na kasi na mchango wake anaozidi kuutoa katika klabu yake ya Difaa El Jadid. Simon Msuva kwa mara ya pili anafanikiwa kuifungia timu yake goli muhimu katika mchezo wa Ligi Kuu Morocco, Msuva jana ameipatia ushindi wa goli 1-0 timu yake ya Difaa El Jadid dakika ya 52 dhidi ya Hassania Agadir. Kufunga kwa goli hilo kunamfanya Simon Msuva kusogea katika msimamo wa ufungaji bora kwani goli dhidi ya Agadir limemfanya kutimiza jumla ya magoli 5 na mtu anayeongoza ana magoli saba lakini huu ni mchezo wa pili kwa Msuva kufunga mfululizo
Read more

MFANYAKAZI WA PPF AKAMATWA AKISAFIRISHA MIRUNGI

Image
  Polisi mkoani Kilimanjaro inamshikilia mfanyakazi wa Mfuko wa Hifadhi ya Jamii (PPF) kwa tuhuma za kusafirisha dawa za kulevya. Kamanda wa Polisi Mkoa wa Kilimanjaro, Hamis Issah alimtaja mtuhumiwa huyo kuwa ni Anitha Oswald (32). “Askari wakiwa doria walimkamata Anitha Oswald, ambaye ni mkazi wa Karanga, Manispaa ya Moshi, akiwa anasafirisha dawa za kulevya aina ya mirungi kilo 216 na gramu 370 kwa kutumia gari lake analomiliki aina ya Toyota Sienta rangi ya silva,” alisema kamanda Issah. Kamanda Issah alisema mtuhumiwa huyo alikamatwa eneo la Majengo kwa Mtei Desemba 19 akitokea Njia Panda ya Himo kuchukua mzigo huo. “Jeshi la polisi mkoani hapa liko makini, operesheni inaendelea na hatutamvumilia mtu yeyote ambaye atabainika kujihusisha na biashara hii”, alisema. Kamanda huyo alisema polisi wanaendelea kumtafuta dereva wa gari hilo ambaye alikimbia baada ya kulitelekeza lilipogonga mti wakati akiwakimbia askari.
Read more

SAKATA LA AIRTEL LAZIDI KUKOLEA....TEWUTA NAO WAIBUKA

Image
Chama cha Wafanyakazi wa Sekta ya Huduma za Mtandao wa Mawasiliano Tanzania (Tewuta) kimepongeza hatua ya Rais John Magufuli kumtaka Waziri wa Fedha kuanza uchunguzi kubaini ukweli kuhusu ubinafsishwaji wa Kampuni ya Simu Tanzania (TTCL). Katibu Mkuu wa Tewuta, Junus Ndaro amesema chama hicho kinatambua fika kuwepo mchezo mchafu uliosababishwa na Watanzania wachache wenye uchu wa fedha wakisaidiana na wawekezaji kupora rasilimali hiyo ya Taifa. Ndaro amesema leo Alhamisi Desemba 28,2017 kuwa, kwa muda mrefu chama hicho kimekuwa kikitoa malalamiko kuhusu ufisadi huo serikalini lakini hakikusikilizwa.   “Tunampongeza Rais Magufuli kwa kuthubutu kutamka pasipo shaka kuwa taarifa alizonazo zinaonyesha kampuni ya Airtel ni mali ya TTCL, jambo hili tulilipigia kelele kwa muda mrefu,” amesema. Ndaro amesema mara zote hawakusita kutamka kuwa Celtel ambayo sasa ni Airtel ni mali ya TTCL iliyoporwa pasipo kulipwa chochote. “Wafanyakazi tunatambua ku...
Read more