RPC AIPONGEZA SGA KWA WELEDI, KUJALI WAFANYAKAZI

Kampuni ya SGA Security imeadhimisha miaka 33 tangu ianze shughuli zake nchini Tanzania huku ikiwatunuku wafanyakazi walioitumikia kampuni hiyo kwa muda mrefu na kupongezwa na Jeshi la Polisi kwa hatua hii.
Shughuli ya kuwatambua wafanyakazi hawa ilihudhuriwa na Kamanda wa Polisi Mkoa wa Kipolisi wa Kinondoni, SACP Jumanne Muliro katika ofisi za SGA Masaki ikiwa ni moja ya majukumu yake kuhakikisha makampuni binafsi ya ulinzi na usalama yanaendeshwa kwa viwango vinavyotakiwa.
Kampuni hiyi iliunda kikundi maalumu kijulikanacho kama ‘Club 20’ ambacho kinajumuisha wafanyakazi walioitumikia kampuni hiyo kwa zaidi ya miaka 20.
Kwa sasa kampuni ya SGA Security imeajiri wafanyakazi zaidi ya 5,100 Tanzania na kuifanya iwe moja ya makampuni makubwa ya usalama nchini.
SACP Muliro aliipongeza SGA kwa kujali masilahi ya wafanyakazi na kuongoza kwa mfano huku akisisitiza kuwa makampuni mengi ya ulinzi na usalama hayafuati utaratibu uliowekwa ikiwemo mafunzo, usimamizi na mishahara huku akitoa wito kwa makampuni mengine kuiga mfano wa SGA.
Mgeni rasmi Kamanda wa Polisi Mkoa wa Kipolisi wa Kinondoni SACP Jumanne Muliro akizungumza jambo kabla ya kukabidhi tuzo kwa wafanyakazi wa kampuni ya SGA katika kuadhimisha miaka 33 tangu kuanzishwa kwake katika hafla iliyofanyika Makao Makuu ya ofisi za SGA.
“Ni jambo la kupongezwa sana kwa kuwa kampuni yenye wafanyakazi zaidi ya 50 walioitumikia kampuni kwa zaidi ya miaka 20,” alisema.
Alisema SGA ndio ilikuwa kampuni ya kwanza ya binafsi ya ulinzi na usalama kuanziswa Tanzania na imedhihirisha kuwa kuwajali wafanyakazi ndio chanzo cha mafanikio.
“Nimefahaishwa kuwa wafanyakazi walioitumikia SGA kwa zaidi ya miaka kumi ni zaidi ya 1,500 jambo ambalo linastahili pongezi,” alisema huku akisisitiza kuwa Jeshi la Polisi litaendelea kushirikiana na makampuni binafsi ya ulinzi na usalama kuhakikisha mkoa unakuwa salama na kuongeza kuwa walinzi wanafanya kazi kubwa katika kuzuia ujambazi.
Naye Mtendaji Mkuu wa SGA Group, Jules Delahaije aliupongeza uongozi wa SGA nchini kwa kuhakikisha wafanyakazi wanaitumikia kampuni kwa muda mrefu na pia kwa kuwatambua na kuwatunuku waliofanya kazi muda mrefu.
Aliwapa wafanyakazi hao ngao maalumu za kuonesha utumishi wao kwa zaidi ya mika 20. “Tukiwa na wafanyakazi zaidi ya 18,000 duniani kubwa kwetu ni watu. Tumewekeza sana katika mafunzo na pia tumehakikisha tunawalipa wafanyakazi wetu vizuri kabisa ikilinganishwa na makampuni mengine ili tuwajengee mazingira bora ya kazi na pia tuwe nao kwa muda mrefu,” alisema.
Mkurugenzi Mkuu wa SGA Group, Bw. Jules Delahaije akizungumza jambo wakati wakati wa hafla ya kukabidhi tuzo kwa wafanyakazi wa kampuni hiyo wakati wa kuadhimisha miaka 33 tangu kuanzishwa kwa kampuni hiyo ambapo RPC wa Kinondoni, Jummane Muliro alikuwa mgeni rasmi.
Mkurugenzi Mtendaji wa SGA Tanzania Eric Sambu alisema katika miaka 33 ambayo kampuni hiyo imefanya kazi Tanzania, imeshuhudia ukuaji mkubwa hasa katika kipindi cha miaka mitano iliyopita kwa sababu ya mikakati waliojiwekea na kujituma kwa wafanyakazi ili waweze kukidhi matarajio ya wateja.
Alisema kubwa kabisa katika mafanikio yao ni utendaji wa wafanyakazi ambao ni waaminifu na waadilifu katika utendaji wao. “Mazingira ya sokola ndani yametupa darasa la kutosha na imetufanya tuwawezeshe wafanyakazi wetu ipasavyo ili waweze kukidhi matarjio ya wateja kama mazingira ya sasa yanavyotulazimisha kufanya ambayo kwetu sasa ni jambo la kawaida kabisa,” alisema.
“Tunaendelea kuboresha huduma zetu na kuwekeza zaidi katika teknolojia na tumeweza kutambuliwa katika ubora yaani ‘ISO certification on Quality Management System’ kuanzia 2001 na hivi karibuni pia tumepokea cheti cha Afya na Usalama yaani since ‘Occupational Health and Safety ISO 18001 Standard.’
Alisema kampuni hiyo hadi sasa ina magari zaidi ya 224 na matawi 12 ambayo yana ofisi zenye vifaa vya kisasa na wataalamu wenye uwezo mkubwa wa kutumia vifaa hivyo kote nchini, “ alisema Sambu.
Meneja Rasilimali Watu wa SGA Tanzania Ebenezer Kaale akisisitiza jambo wakati wa hafla ya kutoa tuzo kwa wafanyakazi wake wakati kampuni hiyo ikiadhimisha miaka 33 tangu kuanzishwa kwake iliyofanyika kwenye ofisi za makao makuu ya SGA jijini Dar es Salaam.
Meneja Rasilimali Watu wa SGA Tanzania Ebenezer Kaale, ambaye aliandaa shughuli hiyo, alisema wafanyakazi wengi wa kampuni hiyo wanahusika na usafirishaji wa fedha, kazi ambayo inahitaji uadilifu mkubwa na weledi. “Kwa kweli wafanyakazi wetu wanastahili pongezi kubwa katika hili kwani tunasafirisha fedha kwa asilimia takriban 90 ikilinganishwa na makampuni mengine ya ulinzi na usalama,” alisema.
SGA inatoa huduma mbalimbali ikiwemo ulinzi kwa kutumia walinzi, vifaa vya umeme, huduma za dharura, ufuatiliaji, usafirishaji wa vifurishi na fedha.

Comments

Post a Comment

Popular posts from this blog

Nyota ya Simon Msuva yazidi kungáa katika klabu yake ya Difaa El Jadid

Mshambuliaji wa timu ya taifa ya Tanzania Taifa Stars anayecheza soka ya kulipwa katika klabu ya Difaa El Jadid ya Morocco Simon Msuva anazidi kubeba vichwa vya habari kutokana na kasi na mchango wake anaozidi kuutoa katika klabu yake ya Difaa El Jadid. Simon Msuva kwa mara ya pili anafanikiwa kuifungia timu yake goli muhimu katika mchezo wa Ligi Kuu Morocco, Msuva jana ameipatia ushindi wa goli 1-0 timu yake ya Difaa El Jadid dakika ya 52 dhidi ya Hassania Agadir. Kufunga kwa goli hilo kunamfanya Simon Msuva kusogea katika msimamo wa ufungaji bora kwani goli dhidi ya Agadir limemfanya kutimiza jumla ya magoli 5 na mtu anayeongoza ana magoli saba lakini huu ni mchezo wa pili kwa Msuva kufunga mfululizo
Read more

MFANYAKAZI WA PPF AKAMATWA AKISAFIRISHA MIRUNGI

Image
  Polisi mkoani Kilimanjaro inamshikilia mfanyakazi wa Mfuko wa Hifadhi ya Jamii (PPF) kwa tuhuma za kusafirisha dawa za kulevya. Kamanda wa Polisi Mkoa wa Kilimanjaro, Hamis Issah alimtaja mtuhumiwa huyo kuwa ni Anitha Oswald (32). “Askari wakiwa doria walimkamata Anitha Oswald, ambaye ni mkazi wa Karanga, Manispaa ya Moshi, akiwa anasafirisha dawa za kulevya aina ya mirungi kilo 216 na gramu 370 kwa kutumia gari lake analomiliki aina ya Toyota Sienta rangi ya silva,” alisema kamanda Issah. Kamanda Issah alisema mtuhumiwa huyo alikamatwa eneo la Majengo kwa Mtei Desemba 19 akitokea Njia Panda ya Himo kuchukua mzigo huo. “Jeshi la polisi mkoani hapa liko makini, operesheni inaendelea na hatutamvumilia mtu yeyote ambaye atabainika kujihusisha na biashara hii”, alisema. Kamanda huyo alisema polisi wanaendelea kumtafuta dereva wa gari hilo ambaye alikimbia baada ya kulitelekeza lilipogonga mti wakati akiwakimbia askari.
Read more

SAKATA LA AIRTEL LAZIDI KUKOLEA....TEWUTA NAO WAIBUKA

Image
Chama cha Wafanyakazi wa Sekta ya Huduma za Mtandao wa Mawasiliano Tanzania (Tewuta) kimepongeza hatua ya Rais John Magufuli kumtaka Waziri wa Fedha kuanza uchunguzi kubaini ukweli kuhusu ubinafsishwaji wa Kampuni ya Simu Tanzania (TTCL). Katibu Mkuu wa Tewuta, Junus Ndaro amesema chama hicho kinatambua fika kuwepo mchezo mchafu uliosababishwa na Watanzania wachache wenye uchu wa fedha wakisaidiana na wawekezaji kupora rasilimali hiyo ya Taifa. Ndaro amesema leo Alhamisi Desemba 28,2017 kuwa, kwa muda mrefu chama hicho kimekuwa kikitoa malalamiko kuhusu ufisadi huo serikalini lakini hakikusikilizwa.   “Tunampongeza Rais Magufuli kwa kuthubutu kutamka pasipo shaka kuwa taarifa alizonazo zinaonyesha kampuni ya Airtel ni mali ya TTCL, jambo hili tulilipigia kelele kwa muda mrefu,” amesema. Ndaro amesema mara zote hawakusita kutamka kuwa Celtel ambayo sasa ni Airtel ni mali ya TTCL iliyoporwa pasipo kulipwa chochote. “Wafanyakazi tunatambua ku...
Read more